பயிர்களின் தேவதை!

டிமிட்டர்(Demeter). இவள் கிரேக்க இதிகாசத்தில் விவசாயத் தேவதை. இவளே பயிர்கள் வளர்வதற்கும், மனிதனின் உணவு தானியங்கள் வளர்வதற்கும் காரண தேவதை. எனவே மனிதன் தனது முதல் அறுவடையில் கிடைத்த தானியத்தைக் கொண்டு, முதல் ரொட்டியை தயாரித்து இந்த தேவதைக்கு படைத்துவருவான். இவள் கிரேக்க அரசன் குரோன்ஸ்-க்கும் அவன் மனைவி ரியா-வுக்கும் பிறந்த தேவதை. 

நன்றி: கூகுள் படங்களிலிருந்து

இவள், ஜீஸ், பொஷிடான், ஹேடிஸ் ஆகியோரின் சகோதரி. ஆனால் இவளை, அவர்களின் அன்றைய வழக்கப்படி முத்த சகோதரன் ஜீஸ் திருமணம் செய்து கொள்கிறான். இவள் இந்த பூமியின் தேவதை, விவசாயத்தின் தேவதை. ஆடுமாடுகளின் தேவதை. இவளுக்கு ஒரு மகள். அவள் பெயர் பெர்செபொனி(Persephone). இவளை ஹேடிஸ் கடத்திக் கொண்டு அவனின் பாதாள உலகம் கொண்டு செல்கிறான். இதனால் அவளின் தாய் டிமிட்டருக்கு கோபம் வருகிறது. பாதாள உலகத்தில் ஒரு பயிர்கூட வளரவிடாமல் செய்கிறாள். அவள் சோகமாக இருப்பதால், பூமியிலும் பயிர்கள் வளரவில்லை. குளிர் தாக்குகிறது. எனவே கடத்திச் சென்ற மகளை திரும்ப ஒப்படைக்கிறார்கள். 

ஆனாலும், அந்த மகள் அங்கு நான்கு மாதங்கள் தங்கி உணவு உண்டதால், அங்கு ஒவ்வொரு நான்கு மாதமும் செல்ல வேண்டும் என்று நிபந்தனையுடன் வந்திருக்கிறாள். அவள் பாதாள உலகத்திற்கு அந்த நான்கு மாதங்களும் திரும்பிச் செல்லும் போதெல்லாம் அவளின் தாய் டிமிட்டர் வருத்தம் அடைவாளாம். ஆகையால் இங்கு பூமியில் பயிர்கள் வளராமல் குளிர் காலமாகவே இருக்குமாம். 

இவளே காலங்களின் தேவதை என்பதால் இந்த குளிர் காலத்துக்குப் பின்னர் வசந்த காலம் வருமாம்.

*