ஏதங்களறுத்து எமை யாண்டருள் புரியும்

"ஏதங்களறுத்து எமை யாண்டருள் புரியும்"

பூதங்கள் தோறும் நின்றாய் எனின் அல்லால்|

போக்கிலன் வரவிலன் என நினைப் புலவோர்|

கீதங்கள் பாடுதல் ஆடுதல் அல்லால்|

கேட்டறியோம் உனைக் கண்டறிவாரைச்|

சீதங்கொள் வயல் திருப்பெருந்துறை மன்னா!|

சிந்தனைக்கும் அரியாய்! எங்கள் முன்வந்து|

ஏதங்களறுத்து எமை யாண்டருள் புரியும்|

எம்பெருமான் பள்ளி எழுந்தருளாயே!

(திருப்பள்ளியெழுச்சி)

பஞ்சபூதங்களில் இருக்கிறான்;

பிறப்பு இறப்பு என்ற வருவதும் போவதும் இல்லாதவன்;

உனது இருப்பை பக்தர்களின் பாடல், ஆடல்களில்தான் பார்க்கிறோம்;

உன்னை யாரும் கண்ணால் கண்டதில்லை;

சிந்தனைக்கும் அப்பாற்பட்டவனே! திருப்பெருந்துறை ஆள்பவனே;

எங்களின் ஏதங்கள் (பாவங்கள்) அறுத்து எங்களை ஆட்கொண்டு ஆண்டருள் புரியவேண்டும்; அதற்காக நீ துயில் நீங்கி எழவேண்டும்;