"அயோவா"
(Iowa)
அமெரிக்கா
நாட்டின் 50 மாநிலங்களில் நடுவில் உள்ள ஒரு மாநிலம் இது. இதன் சிறப்பே இந்த
மாநிலத்தின் இரண்டு எல்லைகளிலும் இரண்டு நதிகள் ஒடிக்கொண்டிருக்கும். இந்த
இரண்டும் எதுவென்றால், கிழக்கே ஓடும் ஆறு
"மிசிசிப்பி ஆறு." மேற்கே ஓடும் ஆறுகள் "மிசௌரி ஆறும்,
பெரிய சியாக்ஸ் ஆறும்."
எல்லை
பிரிப்பதில், பக்கத்து மாநிலமான மிசௌரிக்கும் அயோவாவுக்கும் வெகுகாலம் சண்டை
நடந்தது. அதை "தேன் சண்டை-Honey War" "ரத்தம் சிந்தா சண்டை" என்கின்றனர். இதில், மிசோரி மாநில
அதிகாரி, அயோவா பகுதி மக்களிடம் வரிவசூலித்தார். எனவே அவரை அயோவா நிர்வாகம்
சிறையில் இட்டது. எல்லைப் பிரச்சனையில் "மூன்று மரங்கள் தேன்கூட்டுடன்
இருந்த" மரங்களை வெட்ட வேண்டியதாயிற்று. பிரச்சனை பெரிதாகி சுப்ரீம்
கோர்ட்டுக்குப் போனது. 1849ல் தான் அமெரிக்க சுப்ரீம் கோர்ட் இந்த வழக்கை தீர்த்து
வைத்தது. State of Missouri vs State of Iowa, 48 U.S.
660 (1849). ஒன்பது நீதிபதிகள் அடங்கிய பெஞ்ச்
நீதிமன்றத்தில் ஒன்பது நீதிபதிகளுமே அயோவாவுக்கு ஆதரவாக தீர்ப்பளித்தனர். அமெரிக்க வரைபடத்தை பார்த்தால் இந்த
வித்தியாசம் தெரியும். மற்ற மாநிலங்கள் எல்லாம் ஸ்கேல் (scale) வைத்து கோடு போட்டதுபோல் எல்லைகளைப் பிரித்திருப்பார்கள். இந்த அயோவா
மாநிலத்தின் கிழக்கு எல்லை ஆறு போன போக்கின் பகுதியிலேயே கோணல்-மாணலாகப்
பிரித்து இருப்பார்கள். (இந்தியாவில் உள்ள எல்லா மாநிலங்களுமே கோணல்-மாணல் எல்லைகள்தான்,
நேர் எல்லையே இல்லை!).
அயோவா
மாநிலத்தை செல்லமாக "ஹாக்-ஐ"- Hawkeye என்றும் டூரிஸ்ட்டுகள் சொல்வர். அங்கு இருந்த பூர்வீக குடிகளின் தலைவன்
ஹாக் என்றவர் தலைமையில் அமெரிக்கர்களுடன் ஹாக்-சண்டை 1832ல் நடந்தது. இதன்
அடையாளமாக ஹாக்ஐ என்று பெயர் வந்தது. இந்த ஹாக் என்பவர் தென்அமெரிக்க நாட்டை
பூர்வீகமாகக் கொண்ட இன்டியப் பழங்குடி இனம்.
